鲁达 大阪USJ 15 周年除咗有新机动游戏，仲有好多好嘢玩！其中一样必玩嘅就系位于Universal Wonderland 附近，15 周年市集内嘅一部 3 米高汽水机！你冇睇错，系 3 米高！无论入钱位及按钮都「高不可攀」，要跳高或骑膊马才能揿制，眼见少女冒着走光危险都要挑战，就知有几值得玩！
睇下部汽水机人群之中咁显眼！
1玩一次要几钱？
呢部汽水机玩一次要入 300 円，然后会有 2 次机会畀你挑战！啫系你最后可以得到 2 支迷你可乐！
2教你 3 大成功招式
a.原地起跳
据小编现场观察，可以喺原地跳起而成功嘅人可以话非常少！当日小编喺汽水机前逗留约 15 分钟，都只系得一位男士可以做到！
b. 冲吧！为了可乐！
要跳高，又唔想借助外力，最基本做法当然就系靠助跑啦！向汽水机直冲、一跳、揿、成功！
c. 出外靠朋友，搵人帮手最实际！
如果靠助跑都唔成功，就要搵帮手啦！你可以搵个人肉脚踏帮你上；又可以搵人借个膊头畀你骑上去；当然，最劲嘅就系 call 齐班兄弟叠罗汉俾你上位啦！
小编问过玩完嘅朋友有咩感觉，佢哋话上到去原来都真系几高架！不过就真系好好玩，现场嘅朋友又会帮大家打气，气氛相当唔错！小编见条队冇停过，不过大家都玩得好快，所以等嘅时间唔算太长，想玩嘅记得准备定 300 円挑战费啦！
欢 迎 关 注 新 假 期 微 信 公 众 号：WeekendWeeklyHK