admin 百花广州
在广州话中，“水”是常用名词，除本义外，还有很多引用意，如“钱”、“能力”等。
同“水”有关嘅口语、歇后语同埋童谣俾咗我哋好多生活情趣，大家识得几多个呢？最常见嘅，系用“水”指代同钱银方面有关嘅词语。例如“磅水”，即系付款、找数嘅意思。从呢个词引申，又有“速速磅，唔好两头望”（快点给钱，不要顾左右而言他）嘅用法。又例如“扑水”，即系周围揾人借钱咁解。
至于“水”嘅本义，广州人都有专用嘅“术语”——“冻水”，未经加热嘅开水。“生水”，即系自来水，未煮过嘅。“滚水”，呢个大家比较常见，冲茶用滚水，即系开水。引申开嚟嘅，有唔少同烹饪有关嘅词语。譬如“飞水”，即系煮某样食物之前用滚水浸一下；“出水”，煮之前某啲食物要用水煮过。“浸下”同“煮过”，程度唔一样嘎。
而“水”嘅引申义就多花款喇。“睇水”——把风；“散水”——离开、走人；“心水清”——心知肚明，一清二楚；“水皮”——能力唔够或状态麻麻……
类似嘅词汇可谓多不胜数。依家网络常用嘅“干货”，亦都系从佢嘅反义词“水货”引申过嚟嘎。◎李月婷 媒体人
【来源：信息时报】
声明：此文版权归原作者所有，若有来源错误或者侵犯您的合法权益，您可通过邮箱与我们取得联系，我们将及时进行处理。邮箱地址：jpbl@jp.jiu